Villa Gregory се состои од две згради лоцирани во близина на еден од влезовите во Ханиоти и супермаркетот “Masutis”. Во својот состав брои повеќе квалитетно опремени студија и апартмани за сместување со различен капацитет и квадратура. Во зависност од типот на единиците, тие се распоредени на три нивоа (приземје, прв и втор кат). Сопствениот двор, близината на потребните содржини за снабдување и забава, кратката оддалеченост од градската плажа (околу 400м) како и од центарот на Ханиоти, овој објект со години го издвојуваат како мошне популарен за многубројните туристи од регионот. За оваа летна сезона, во нашата понуда ги вброивме еднособните апартмани лоцирани на првиот кат од објектите. Во својот состав тие располагаат со спална соба и двоен лежај, како и дневна соба во која освен мини кујна се наоѓа и кауч на отварање со можност за сместување на трето и четврто лице. Според нашето мислење апартманите се најсоодветни при сместување на семејства со едно или две помали деца. Во непосредна близина на објектот се наоѓа и поголем отворен паркинг за автомобили.