Состанок на групата на паркингот спроти хотелот “Holiday Inn” во 16:30 часот. Поаѓање за Турција во 17:00 часот. Патот води преку граничниот премин Богородица-Евзони и Грција. Ноќно возење со попатни одмори.

Пристигнување во претпладневните часови. Панорамски разглед на градот: Ак Сарај, Римскиот аквадукт, плоштадот Таксим,Сулејманијата, Бајазитовата џамија, Универзитетот, Капали чаршијата… завршеток со пешачки разглед на “златниот рог” и неговите знаменитости: Хиподромот (кој некогаш служел за коњски трки, а денес е меморијален плоштад со обележја од минатото), Сината џамија (изградена на почеток на XVII век од страна на  познатиот архитект Мехмед-Ага, воедно е и последната импресивна градба на отоманската религиска архитектура), Аја Софија (најпознатата градба во Истанбул, изградена во времето на владеењето на Јустинијан први, една од најголемите цркви во светот, претворена во џамија по падот на Византиското царство), можност за посета и на базиликата „Цистерна“ (позната и како „Потоната палата“ – најголемата од неколкуте антички резервоари за вода која сеуште стои под Истанбул). Сместување во хотел. Слободно време за индивидуални активности. Ноќевање.

Појадок. Слободен ден за индивидуални активности, или можност за факултативна посета на најпознатите палати во Истанбул. Долма Бахче Сарај – првиот дворец изграден во Османлиската империја, кој до 1922г. бил резиденција на Отоманскиот Султан, а по 1922 г. во него живеел и Кемал Ататурк. Денес е национален музеј, кој содржи уметничко-историски збирки од непроценливо богатство. Палатата Топ Капи – некогашно главно седиште на Османлиската империја, изградена во времето на Султан Мехмед II. Денес е музеј во кој се наоѓа и мечот нa прорoкот Мухамед. Вечерта, факултативна Новогодишна вечера во национален ресторан, со богато мени и културно-уметничка програма. Ноќевање.

Појадок. Слободен ден за индивидуални активности, или можност за факултативно крстарење со брод по Босфор и панорамско разгледување на палатите од двете страни на каналот. Пловење под мостовите над Босфор, кои ги поврзуваат копната на континентите Европа и Азија, Попладне заминување кон Македонија. Патот води преку Грција. Дневно и ноќно возење со попатни застанувања и одмори. Пристигнување во Скопје наредниот ден во раните утрински часови.

– Превоз со автобус на наведената релација

– Сместување во Истанбул, во хотел ***,  на база 2 ноќевања со појадок

– Организиран панорамски разглед на Истанбул

– Организација на аранжманот и придружник на патувањето

– Факултативна посета на Долма Бахче Сарај  и Топ Капи, со водич и влезници (35 €)

– Факултативна Новогодишна вечера во ресторан со уметничка програма (70 €)

– Факултативно крстарење по Босфор со водич (20 €)

– Влезници за музеи, палати и културно историски споменици

– За реализација на аранжманот, потребен е минимум од 40 патници

Состанок на групата на скопскиот аеродром во 11:15 часот. Лет за Рим W6 7757 во 13:15ч. Пристигнување во Рим во 15:00 часот. Трансфер до хотелот со  панорамско разгледување на градот: Виа Венето, Шпанските скали, Олтарот на мирот, плоштадот Венеција, Римскиот форум, Виа Дел Корсо, Колосеумот, мостовите на Тибар, црквата Св. Петар, Фонтаната Ди Треви… Сместување и слободно време за индивидуални активности. Индивидуално присуство на пречекот на Новата Година, на некој од градските плоштади. Ноќевање.

Појадок. Факултативна посета на Неапол и Соренто. Неапол е најголемиот град во Јужна Италија, кој изобилува со голем број на историски споменици, скулптури, театри, опери… поради што и го нарекуваат музеј на отворено. Панорамски разглед на градот со локален водич: разглед на Градскиот плоштад “Piazza del Plebiscito”, Општинската зграда, замокот Кастел Нуово, театарот Сан Карло, кралската палата “Palazzo Reale”, националната библиотека… Заминување кон Соренто. Преку заливот на Неапол лежи најимпресивниот брег – Сорентинската пенинсула, со поглед кон Неапол, вулканот Везув и островот Капри. Разглед на Соренто со локален водич: Базиликата Св.Антонио Абате, манастирот Сан Франческо, како и многубојните тесни и прекрасни улички, каде што ќе може да го набавите прочуениот италијански пијалок лимончело, произведен во Соренто. Враќање во Рим во вечерните часови. Ноќевање.

Појадок. Слободно времее за индивидуални активности и прошетки, или факултативна посета на Ватикан: Систинската капела,Ватиканските музеи и црквата Св.Петар. По разгледот, прошетка преку Мостот на Ангелите до плоштадот Навона, познат и како уметничката четврт на Рим. Убава можност за краток одмор и уживање во вкусот на италијанското кафе. Вечерта, можност за факултативна вечера во национален ресторан, со мени од италијанската кујна. Ноќевање.

Појадок. Слободно времее за индивидуални активности и прошетки, или факултативна посета на паркот Tиволи. Прекрасната “Villa D’Este” и нејзината градина, се наоѓаат на листата на светското културно наследство под закрила на UNESCO. Со импресивните петстотини фонтани, нимфи, пештери, игри со вода и музика, претставува копиран модел на најпознатите европски градини во маниристички и барок стил. Враќање во Рим. Можност за попладневна прошетка и посета на црквите низ Рим (со метро): катедралната црква посветена на Св. Павле, црквите Сан Џовани Латерано, Санта Марија Маџоре, Сан Пјетро ин Винколи, како и црквата Сан Клементе со капелата и гробот на Св. Кирил. Ноќевање.

Појадок. Напуштање на хотелот. Слободно утро за индивидуални прошетки. Трансфер до аеродромот во Рим во 12:30ч. Лет за Скопје W6 7758 во 15:30ч. Пристигнување во Скопје во 17:05 часот.

– Авионски превоз: Скопје–Рим–Скопје

– Аеродромските такси во Скопје и Рим

– Oрганизирани трансфери во Рим: аеродром – хотел – аеродром

– Сместување во хотел ***, на база 4 ноќевања со појадок

– Организиран панорамски разглед на Рим со водич

– Организација на аранжманот и придружник на патувањето

– Eдно парче рачен багаж со максимум димензии од 55x40x23 сантиметри и максимум тежина од 10 килограми

– Факулативен излет до Неапол и Соренто: превоз и водич (90 €)

– Посета на Ватикан: резервација, превоз со метро, водич, слушалки и влезница (45 €)*резервација и уплата при продажба

– Посета на паркот Тиволи: превоз, водич и влезница (55 €)

– Туристичка такса на градот Рим: хотел 4* (6€), хотел 3* (4€) по лице од ден, се наплатува на рецепција

– Едно парче чекиран багаж од 1650мкд по правец

Поаѓање за Кушадаси преку Истанбул од скопскиот аеродром со лет ТК1004 во 08:55, пристигнување во Истанбул во 12:30ч. Лет за Измир ТК2326 во 15:00ч од Истанбул. Пристигнување во Измир во 16:10ч. Обезбеден трансфер до хотел со доплата.

Појадок. Организирана посета на Ефес (еден од најбогатите археолошки локалитети од античкиот период), куќата на Св.Богородица (во која ги минува последните години од својот живот), како и црквата и гробот на Св.Јован апостол, во Селџук. Слободно попладне. Вечера. Ноќевање.

Појадок. Слободен ден или можност за факултативен излет до природниот локалитет Памук Кале (минералните водопади, кои ги формирале специфичните бели скалести карпи). Попладнето, враќање во Кушадаси. Навечер, организирана Новогодишна вечера со уметничка програма во хотел. Ноќевање.

Појадок. Слободни време за ндивидуални активности. После ручекот обезбеден трансфер до аеродромот во Измир со доплата. Лет за Скопје преку Истанбул. Лет ТК2327 во 17:05ч, пристигнување во Истанбул во 18:25ч. Лет за Скопје во 20:15ч, пристигнување во 19:45 часот.

Цените се дадени за период, по лице за сместување во соба по избор од табелата.
Цените се изразени во EUR за уплата во денарска противвредност (1 EUR = 62 MKD).
Попустите за деца и трето лице важат при сместување во соба со 2 возрасни лица.

Во цената не е вклучено:
Цена по лице на повратен авио билет со Turkish Airlines: (од 195 €)
Цена по лице за повратен трансфер од аеродром-хотел-аеродром во Измир (33 €)

Цена на излети:

– Факултативен излет до Памук Кале (40 €)
– Факултативен излет Ефес и Селџук (40 €)НАПОМЕНИ:
-> Во хотелите со услуга полупансион (HB) во кои е вклучена Свечена вечера, на 31.12.2017 не се послужува пансионска вечера.